Fundashon Hèndikèp Ouditivo ta dirigí su mes na guia tur persona ku un pèrdida di oido na Kòrsou i en espesial alumnonan ku un pèrdida di oído ku a kaba Skol Myrna Dovale (skol pa muchanan ku pèrdida di oido i/òf problema di habla i idioma TOS). Fundashon (HAG) ta un organisashon boluntario ku no ta risibí supsidio.
Meta
Promové bienestar, físiko, spiritual, sosial i material di esnan ku un pèrdida di oido. Duna guia i ayudo na esnan ku un pérdida di oido.
Fundashon HAG ta bini dilanti pa e grupo aki, dor di duna nan informashon riba tur tereno i tema.
Direktiva
Direktiva di e Fundashon ta konsistí di mínimo sinku (5) ku un máksimo di shete (7) miembro.
Den e Diektiva, ta deseabel pa tin por lo mínimo un spesialista médiko i un máksimo di dos mayor.
E Direktiva ta konsistí di:
Sra. Iva Martina
Presidente
Sra. Danette Martha
Sekretario
Sra Tesha Yung
Tesorero
Sra. Phaedra Fecunda – Magdalena
Miembro di direktiva
Sra. Melissa Russel
Miembro di direktiva
Sra. Gerda Gosepa
Miembro di direktiva
Sra. Diodela van Weissenbruch – Ter Haar
Miembro honorabel
Koperashon
Fundashon Hèndikèp Ouditivo ta traha den estrecho koperashon ku Skol Myrna Dovale (skol pa muchanan ku problema di oido i/òf TOS), Curaçao Quota Club, Oraid Hearing Instruments, AudioBell i ku e spesialistanan di Garganta, Nanishi i Orea (K.N.O.-artsen)
