Idiomanan di Seña ta un forma di komuniká kaminda ta hasi uzo di man(nan) (manual) i di wowo (visual).
Idioma di Seña tin 5 aspekto básiko:
E espasio di e seña – banda i dilanti bo kurpa
E forma di man – forma di man plat, un òf dos dede ariba, tres òf mas dede habrí, un moketa, forma di sèn, e alfabèt di man
E orientashon di man – palma di man i e dedenan ta mustra dilanti, na lenks, na règt. ariba, abou, skùin dilanti i ariba, etc
E moveshon – e direkshon di e moveshon di un seña por ta na lenks òf na règt, ariba òf abou, for di e kurpa òf na e kurpa
E parti no-manual – Mímika i moveshon di kurpa òf kabes
Kon hala atenshon i e kontakto visual
Ora abo ke papia ku un hende surdu, abo mester hala su atenshon.
Hende oyente por tende un hende papia i hasi otro kos.
Pero hende surdu mester wak bo kara.
Kontakto ku wowo ta hopi importante pa un bon komunikashon.
Manera di hala atenshon.
E manera ku bo ta usa ta dependé unda abo ta i unda e otro persona ta.
⇒ Zuai ku nan man
Abo por zuai ku bo man pa un otro hende wak bo.
Si bo ta seka, bo ta zuai chikitu.
Si bo ta leu, bo ta zuai grandi
⇒ Tek otro na skouder
Ora bo ta serka di un hende bo ta tek e riba su skouder.
No tek un hende tras di su lomba.
E hende por spanta, kòrda e no ta tende bo.
⇒ Sende òf paga lus
Bo ta sende òf paga lus ora tin un grupo grandi di hende.
Tambe tin bèl ku ta traha ku lus.
⇒ Primi su man
Ora bo ta kana keiru ku un mucha surdu, bo por primi su man pokopoko.
E ora ei bo no mester di tek e riba su lomba.